Taal



Zaate Hermenie 'Roeat Waas Auch Leuk Gewaes'
Lol en plezeer mit meziek!

Korte beschrijving van de Zaate Hermenie

Maurice #14J.C., vrijdag 25 januari 2013 - 16:55:27


ZAATE HERMENIE "ROEAT WAAS AUCH LEUK GEWAES" HÄÖR 1992
 
 plein-294.jpg


De Zaate Hermenie "Roeat waas auch leuk gewaes" is opgerich noadet eine groep kinjer in 1992 noa Mestreech waas gewaes mit de vastelaovundj. Wiej det ze truuk kwaome waas de Zaate Hermenie zoaget al opgerich. 't Doel vanne Zaate Hermenie waas in 1993 mit doon aon `t Zaate Hermeniekes Concours in Mestreech oppe vastelaovesdinsdig. D'r wirdje biej `t café instrumente van `t plafon gehoaldj en ein joar langk gerepeteert in unne kelder. Oeteindelik wirdje in Mestreech de Ierepries Vaan de Superieure Klasse behoaldj compleet mit vaankes, kulse, medalies en predikaat. Eufories zegevierendj kwaome veer aon in Häör, zônger te weite det eederein dea Ierepries behoaldj.

Hiejnoa is ut doel vanne Zaate Hermenie get vager gewoare, mer de Zaate Hermenie bleef besjtoan en tiejens optraejes waas ut geregeltj unne ongeregeldje bende. Noadet in 1994 inkele minse noa de Limburgse Kampioensjappe veur Zaate Hermeniekes woare kieke, besjloat de Zaate Hermenie hiejaon mit te doon in Berg ut joar doarop. De pries veur de "Sjoonste Vaandel" waas hiej ut gevolg. Oeteraardj wirdje dea deepgekoesterdje pries in 1996 verdeadigdj. Onverwachtsj behoaldje de Zaate Hermenie in Postert ut kampioensjap en mocht zich ein joar langk "Limburgs Kampioen Zaate Hermeniekes" noeme. Hiejdoor organiseerdje de Zaate Hermenie in 1997 `t Limburgs Kampioensjap veur Zaate Hermeniekes in Häör. Drie daag langk waas d'r in Häör ein groeats feest mit meer den zesdoezendj luuj det zônger eine wanklank grandioos waas.

Auch waas de Zaate Hermenie in 1997 in de studio om same mit vief anger Zaate Hermeniekes ein CompactSchjief, getiteltj "111." (Hongertjenelluf Puntj), oettebringe. In 1998 en 1999 verzörgdje de Zaate Hermenie de aopening biej de Limburgse Kampioensjappe in Bemele en Mestreech. Auch in 1999 waas de Zaate Hermenie, same mit 2 anger hermeniekes, te beloestere op ein CD getiteltj "Herriemeniekes Deil2". Inkele leedjes hiejvanne belandje zellufs op ein Hollandsje CD (van Dweilorkesten, ja, ja).

Auch de joare doanoa bleef de Zaate Hermenie mitdoon aan de Limburgse Kampioensjappe, wao unne 3e pries ut hoeagste waas waat inne wacht weardje gesjleiptj. Wiejere woapefeite vanne Zaate Hermenie zeen ut spjeale inne Zoepkoel in 1997, 2x de SjtatieFesjtasie in Remunj aopene, oploestere van `t WinterWonderLandj biej de Efteling, winstj booke biej ut Häötemetäötegeträöt in Hael, 2 joar langk de wisselbaeker van `t roemruchte Bemeler Zoepnaze Hermeniekesconcour in `t bezit höbbe en de 1ste pries inne optoch mitte vastelaovundj in Häör.

De Zaate Hermenie "Roeat waas auch leuk gewaes" is ôngertusse in gans Limburg alsauch in Hollandj, Pruises en Belgsj gewaes en beroemdj en beruchtj doar sjpektaculaire kleijage en eigewieze meziek.

Welkom

Inlognaam:

Wachtwoord:


Vergeet me niet

[ ]
[ ]

Recente aanvullingen

Zoeken Zaate Hermenie 'Roeat Waas Auch Leuk Gewaes'


© Copyright 2006 - Zaate Hermenie 'Roeat Waas Auch Leuk Gewaes' - Häör 1992
Opbouwtijd: 0.0458 sec, 0.0043 van dat voor queries. Geheugengebruik: 2,637kB